Визуелни и аудитивни елементи во песните

     

        Нашите млади творци пишуваа песни со примена на визуелни и аудитивни елементи. Напишаа креативни творби на тема: „Езерска слика“.

Прочитајте ги!👇

      Езеро

Крај езеро тивко,

сонце се смее,

убавини ни носи,

милион капки роси.

На карпа седам, 

волшебни бои гледам.

Галеби наредени во строј,

езерски е тоа хор,

лебеди во голем број,

нè повикуваат без збор.

          -  Бранкица Кукоска

         Езеро

Во шумата далеку

се скрило езеро мало,

прекрасно и мило,

како гнездо се свило.

Лисјата над него,

шепотат езерска сказна,

птиците песни пеат,

а децата весело се смеат.

   - Мартин Чочороски

Езерска слика

Од високо те гледам,

поглед ми мамиш,

да дојдам да те видам,

од далеку ме каниш.

Брановите брегот го ронат,

галебите низ нив ѕвонат,

Чуновите бранови сечат,

а рибарите плеќи печат.

           -Ива Лазороска

                                  

Езерска слика

Сини гори загледани,

ден-ноќ заљубени,

златни коси на бранови,

езерски слики преубави.

Бранови ќе смирам,

ќе веслам, ќе свирам,

златно кајче плови,

риби рибар лови.

     -Драгана Анѓеличиноска

Езерска слика

По широката небесна шир,

бел лебед нежно плови

со весели крици во водата,

галебот својот плен го лови.

Залезот со волшебни раце,

езерото златно го бои,

уморен стар рибар на брегот

тешко ги влече мрежите свои.

Во водата кајче застанало 

чиниш тивко и нежно спие,

темнината полека паѓа,

во бистрата езерска вода,

своето лице го мие.

-Евгенија Пешиноска

Езерска слика

На брегот стоев,

бранови езерски броев.

Лебедот мирно спие,

од погледи тој се крие.

Галеби над езеро летаа,

во бистри води слетаа.

Тивко дојде ноќ

на езерската  шир,

со волшебна моќ,

настапи бескраен мир.

   - Атанас Костојчиноски

Езерска слика

Седам на езерскиот брег,

гледам кајче плови,

а рибарот риби лови.

Ветерот тивко вее,

на езерото милно му се смее.

Над езерото галеби летаат,

со  крилја поздрав праќаат.

-Мартин Бебекоски

Езеро

Езеро мое мило,

како небото сино,

како најубава слика,

ја смееш мојата лика.

Низ тебе белиот лебед,

неуморно плови,

а стариот рибар,

езерска риба лови.

Галебите бели  над тебе

пеат езерска песна силно,

за сонцето и водата,

децата да се смеат милно.

-Марија Чочороска

       Езеро

О, езеро сино,

ти бескрајна шир,

крај твоите води,

секој наоѓа мир.

Лебеди бели

по тебе пловат,

за своите малечки,

рипчиња ловат.

  -Андреј Ѓорејлиески

           Езеро

Езерото е убаво и мило,

крај него колку убаво било,

сината боја му стои,

убавините таа ги бои.

Сонцето силно грее,

езерска слика се лее,

Убавина насекаде блика,

секое утро како слика.

   -Јаков Бебекоски

Езерска слика

Крај сините бранови,

деца весело се смеат,

ветре нежно дува,

ластовички милно пеат.

Езерце милно светка

тоа е прекрасна глетка,

сонцето златно сјае,

езерски крај најубав да е.

-Теодора Бебекоска

Езерска слика

Сончевите зраци во сините води,

секое утро се огледуваат.

Плас-плас, бранови езерски,

карпестиот брег го одронуваат.

Крикот од галеби бели, 

езерската мир ја прекинува,

рибар со рибарска мрежа,

на риболов заминува.

-Ева Бебекоска

Езерска слика

Крај езерското крајбрежје

водата жубори силно,

галеби над езеро со крик,

сонцето го повикуваат милно.

Езерска слика се крои,

од шарени птици распеани,

лебеди на езеро бродат,

лебедчиња носат

-Андреа Бебекоска.

 

Езерска слика

Каде што сонце први

светли зраци праќа

таму човек врви

и брод се враќа.

Езерска слика насекаде блика,

водата звучни бранови прави

детето црта прекрасна слика

со волшебни езерски убавини

      -Воведа Србакоска

      Езеро

Топол летен ден

со сладолед в рака

до езерскиот брег 

кој секој го сака

Топол јужен ветар

брановите силни,

а птиците пеат 

како ангели милни.

   -Тамара и Теофан Ставрески

  

Езерска слика 

Езера бистри

со чисти води

позлатена светлина

по нив гордо оди.

Во небесно сината бода

лебеди се капат

риби и рипчиња пливаат

а бранови се преливаат.

      -Господин Иваноски

Езерска слика - лични творби, 2019/2020 година

 Визуелни и аудитивни елементи во песна 

Новите поетски надежи пишуваа за езерото. Прочитајте!

Езерска слика

Езеро сино  волшебно блика

прави  прекрасна езерска слика.

Сонцето  златно сјае силно

езерото го гали нежно и милно.

Некогаш е разбранувано цело,

а јас по кејот трчам смело.

Лебеди бели низ езеро пловат

рибари во кајчиња риби ловат.

Галеб над езерото гордо лета

езерска љубов насекаде цвета.

            ─ Марија Попоска 

Езерска слика

Бистра вода и сончев зрак

камчиња бели на брегот пак.

Галеб сребренест над езеро светка

а рибарот е восхитен од таа глетка.

Езерската убавина секој ја слика

прекрасна на сонцето, таа блика.

 Силен бран гордо пружа рака

од песокот кула да прави сака.

─ Симона Јанкоска

Езерска слика

Езерската вода мирно стои,

блеска синилото во очите мои.

Во далечината рибарот плови,

најчесто риби да лови.

Ја гледам оваа убава слика,

во срцето радост ми блика.

Најубаво е езерово наше,

сакајте го, тоа е и ваше.

      ─ Дора Парталоска

Езерска слика

Крај езеро бистро седам

во бранови сини гледам.

Во душава радост ми блика

од езерската лична слика.

Ој, езеро, бисеру сјаен,

од убавини целиот исткаен.

Дури залезот ми злати коси

песнава моја кон тебе ме носи.

─ Надица Лазороска

Езерска слика

По езерото кајче плови

рибарот риби лови.

Ветерот силно дува

езерото како стражар го чува.

Езерото знае да биде тивко и мирно

големо, бескрајно и ширно.

Лебеди бели него го красат

галеби во лет високо се гласат.

               ─ Каролина Калајџиеска

Езерска слика

Покрај езерото седам

безброј мисли редам.

Езерото со сина боја

омилена твоја и моја.

Со восхит гледам

безброј мисли редам.

Езерскава слика моја

нека биде и твоја.

Лебед крилја шири

сака водата да се смири.

Насекаде бранови има

слушни ги и ти Мима.

ㅡ Катерина  Русевска

Песна за езерото

Задува ветер тивок,

ги разбрани сите води

сонцето силно грее

денот сончев се роди

Нежни бранови се леат

децата радосно се смеат

Бел галеб над езеро лета

и на кајчето весело слета.

Езерото јас го гледам

со восхит постојано го следам

 бели камчиња си редам

и на дрвена клупа си седам.

ー Мартина Мурџеска

Езерска слика

Езерото е мила слика

рибарот од радост блика.

Небото има боја сина

среќа за девојчето Мина 

Птицата волшебно пее

топлото сонце милно нè грее.

Ведра се шири смеа

Мила си игра со Леа.

ー Исидора Бетоска

Езерска слика

Галебот бел високо лета

над езерската шир гордо шета

 Лебедот во водата  се смее

со ветерот песна пее.

Рибари со кајчиња пловат

со јадици риби ловат.

Сончев изгрев зад трски се роди

низ езерски бескрај нè води.

ー Антоние Парталоски

                                                             

Езерска слика

Езерска убавина

секој ја слика

секогаш и секаде

од радост блика.

Езерото наше

како небо сино

понекогаш е мирно,

а понекогаш диво.

一 Немања Галичароски

Езеро

Над езерото рибар пловеше

големи риби ловеше

Галебот бел низ езеро броди,

лебедот лебетчиња води.

Некои деца со трски играа

родителите во вода пливаа

На брегот журка се спрема

тоа е нова езерска шема.

ー Божидар Влајнкиноски

                                                                

Езерска слика

Езерото рајско убаво

Сонцето светло го грее

бисерно, чудесно блеска

со убавина, ведро ни се смее.

Лебедот како украс бел

низ езерото броди

со рашиени крилја цел

како крал низ водата оди.

ー Јована Парталоска

Езерска слика

Сонцето силно над планина пече,

а езерската вода бавно се влече.

Рибар со кајче по езерото плови,

со јадица вешто риби лови.

Сината боја во очи блеска.

Ах, колку убаво ни се смешка!

Ладно езеро се шаренее во есен 

бран се игра со ветерот бесен.

ー Илина Мукоска

За езерото и неговите убавини-лични творби

Езерото, вечна инспирација за прекрасни ученички стихови. Прочитајте ги песните, на секогаш инспирираните, шестоодделенци!
                     

Езерска слика

По езерото кајче плови,
рибарот вешто риби лови.
Езерото јас го гледам,
за него убави стихови редам.

Риби мирно пливаат,
галеби силно летаат.
Сонцето пламено гори,
кајче со бранчиња се бори.

Месечината цела ноќ свети,
на езерото нежност му вети.
Патникот патува до зори, се чуди,
со насмевка езерото се буди.
-Аделина Калчиноска

Езерска слика

Лебед бел езерото го краси,
во водата лиценеце си мие.
Над водата рипче скокна,
од рибарот сака да се скрие.

Езерото наше Охридско се вика,
убаво, волшебно, вистинска слика.
Мирно и тивко како во мај,
блеска со прекрасен пролетен сјај.

Тивко е езерото, сонце го грее,
на песокот ракче се смее.
Деца на кејот шетаат,
на галебите храна им фрлаат.
-Хафса Мевмедоска

Езерска слика
Лебедот бел на езеро спие
своите крилја нежно ги крие.
Од југ ветерот се јави
езерски бранови тој направи.
-Фемија Руфатоска
                                           

Езерото
Езерото сино го гледам
стихови за него редам.
Кајче по езерото плови,
рибарот риби лови.

Лебеди, убави и бели,
со крилјата нежни се цели.
Галебите летаат високо,
на небото бескрајно широко.

Езерото го гледам во детските очи,
восхит и спокојство од нив се точи.
Капка вода на лицето ми капна,
езерска слика во срце ми стапна.
-Мирела Усоска

Езерска убавина

Езеро, рајско, убаво,
слатко, нежно и чудесно,
не` испраќа кај ветрови,
со Црн Дрим не` збратими.

Излегов да се прошетам,
крај Дримот до езерото,
ветерот силно вееше,
езерска песна пееше.

Во Струга сме родени,
со песни езерски задоени,
по Светот кај и да одиме,
езерото во мисли го носиме.
-Мелани Будоска
                       

                       
Езерска слика

Езерото со восхит го гледам,
стихови за песна редам,
за рибарот со кајче што плови,
за рибите со јадица што ги лови.

Песокот со езерото се ракува,
пријателство вечно посакува,
Ветерот со бранчиња се гушка,
за лебедот со галебот шушка.
-Дилбера Шерифоска

Езерска слика
По езерото кајче плови
рибарот риби лови
шареното кајче вешто броди,
со бранови езерски се бори.

Езеро, тивко, мирно,
големо си, сино и ширно.
Ветерот зад Јабланот се јави,
немирни бранови ќе прави.
-Ирфан Калчиноски

Меѓународен ден на мајчиниот јазик, 21 февруари

  Во чест на Денот на мајчиниот јазик, учениците од шесто одделение твореа  пишувајќи за убавините на езерото.
Ако твориш, зборуваш, пееш, мислиш, сонуваш на мајчиниот јазик, го почитуваш и за него нема опаснот од исчезнување.
Мајчиниот јазик е мој, од Давид, Амзо, Наумче, Селма, Максуд, Фатима, Амела, Тамара...
Тој е право на секој поединец во нашата Македонија.
Среќата поубаво се чувствува на мајчиниот јазик! Радоста се доживува кога ја разбираш-на мајчиниот јазик!Соништата се вистински на мајчиниот јазик!Тагата и болката полесно се поднесуваат кога ги делиш со другиот- на мајчиниот јазик!
Првиот детски збор, првата мајчина насмевка, првиот љубовен трепет вистински се доживуваат на мајчиниот јазик.Другарска кавга, трема од тест или некаков проблем полесно се решаваат на мајчиниот јазик.
Се обидуваат да  негираат, да ни  наметнуваат други туѓи јазици, да не` делат и јазично уништуваат.
Одговорот е следен:„Мајчиниот јазик е еден -македонскиот јазик!“

             Струга и езерото
Секој ден одам во Струга,
во Струга, како која нема друга.
Сонце сјае, галеби со вресок,
децата изморени легнати во песок.

Дрим и езерото полни со чиста вода,
за таа благодет, фала му на Бога.
Поетот искрен, стихови чита,
повелете, луѓе, Струга ве вика.
    -Максуд Ибушоски

    Езерска слика
Крај езеро тивко, мирно
се разлева мирис ширно
од трски, вода и плажа
убавини езерото но покажа.

Бистра вода и сончев блесок
камчиња и многу песок
А Муки гледа, на брегот стои
езерски далги на глас брои.

Езерската,пак, птица во лет
во песочна кула се сокри
го заклучи својот таен свет
 од љубопитници се покри.

Сликар да сум славен
со бои и четка главен
ќе насликам се` до збор
езерски е тоа одговор.
  -Селма, Самија, Мухамиде, Едина,  Мунира, Анеса, Амела и Мејта

       

Лебед нурнат во водата на Охридското Езеро

  Езеро
Езеро мое,езеро драго
најубав си цвет
во целиот свет.

Езерска е бајка
лебед штом видам
среќна да бидам.

Езерото приказни плете
Риби ќе ловам
со кајче ќе пловам.

Оваа слика е јасна
сонцето  грее,
а езерото нам  ни се смее.
  -Ремзија Калчиноска

   Езерска слика
Крај езеро поминав
со восхит застанав
и преполна со воздишки
од таа убавина, заминав.

Езерска далга во песна
мелем ми дава на душа
ветерчок со таа мелодија лесна
намерниик вика да слуша.

Кога ли повторно, пак,
ќе го слушнам тој езерски глас,
кога ли таа убава слика,
повторно ќе ме повика.
  -Наталија Божниќеска

Езерска музика
Во плитките места
се слуша жубор
тоа е вистинско чудо
на сината езерска вода.

Бели лебеди кружат
со кајчиња рибарски се дружат
необична тоа е ода
на сината езерска вода.

Распеани птици летаат
 дечиња радосни шетаат
дружба необична е тоа
крај сината езерска вода.
    -Семина Азизоска

„Бистро езеро гледаш белеит“

   Езерска слика

Езерото е ко сино небо

галеби како бисери нишка

бранови кои гласно ечат

како деца кога ќе заплачат.

Езерски дворци ќе отворам

на далги ќе те понесам

со лебеди ќе те пречекам

риби друшки ќе донесам.

        -Љупчо Топузоски

Езерска слика

Езерска слика една

во памет ми стои

со волшебни, нежни бои.

Кајче низ езеро плови

весело и мирно,

како птица што лета

на небото ширно.

Езерска слика една

во очи ми цвета,

како златна птица 

што позлатува кога лета.

  -Имер Дервишоски

Езерски немир

Езерска слика
Над безвременското ветрот  шета
низ бескрајноста, нежно птица лета.
Совршенството низ хоризонтот се шири
златна рамка од дното езерско  ѕирка.

Убави спомени низ него пловат,
сечие срце безгрижно го ловат.
Екот во песокот спие
лик на дете во езерото се мие.

Рака испружи да го дофатиш
совршенството и убавиот мирис,
или во безвременското ќе го оставиш.

Езерска струна високо ме крева
растреперен облак јас да допрам,
клокотот од чувствата мои,
безгрижно ме опива.

Езерото е волшебно, сјајно
тоа ми е едноставно јасно.
Сите нека слушнат и викнат
Чисто, нежно и гласно.
    -Тамара Дишлијевска

Езерска слика
Езерото со необичен сјај,
цветови расцутуваат во мај,
ластовичка песна пее,
сонцето надвор грее.

На дрвото сјаен лист,
од езерски бои чист,
во езерото болшебен сон
како сладок разигран ѕвон.
    -Цаноска Мејта

  Езерска слика
Едно рано утро
крај езеро мирно
птиците летаат
весело и ширно.

Во водата падна
еден жолт лист,
ние се шетаме
дишеме воздух чист.

Сонцето на езерото
 му се смее,
со неговите зраци
топло го грее.
  -Амзо Салоски

  Езерска убавина

Во тоа око-огледало,
во тоа гнездо и седело,
небото се загледало,
сонцето се налактило,
времето се затаило.

Од нив е бистро- огреано,
е така чисто, разлеано
и како бисер навезено,
езерото е насмеано.

Езерото е мило
езерото е драго,
тоа ми дава сила
тоа ми дава крила.
    -Фатима Усоска

Облак над езеро
Плови облак по небо ширно,
плови тивко над езеро мирно.
Побел од лебед,
побел од снег,
побел од памук-
пердувест мек.

Кога над вирот најдлабок мина,
облакот мигум се стопи, згина
облакот-лебед,
облакот-снег,
облакот-памук
нежен и мек.

Знам сега кој е,знам кај се скри!
А дали знаеш, детенце ти?
Сега под дното
езерско езди
на дланка носи
бисерни ѕвезди.
  -Самија Цаноска