Песни-лични творби на учениците (2015/2016 год.)

Есен

Златни лисја во двор паѓаат

тажни птици за југ летаат

Децата низ паркот шетаат

есенска слика гледаат

Фикрија

Еко песна

Природата да се чува

размислувам често

за нас треба да биде

убаво и чисто место

Есен

Есента пристигна

во мојот крај

со плодови зрели

и со жолт сјај.

Есенски ветрови

почнуваат да свират

птиците во гранките

вешто се кријат.

Жолти лисја во есен

ко знаме се веат

Дождовни крупни капки

насекаде силно се леат.

Ајше

Есен

Дождот прска силно,

ние, во домовите

се грееме милно.

Облаци, втемнети мрачно,

жуборот на реките

се слуша гласно.

Еко песна

Во училишниот двор

отпадоци има

Ученици безгрижни, најадени

Лименки насекаде по паркот

опасност за борчиња насадени.

                Амина

Природа
Природата е бесценето богатство
кое Бог ни го дава,
а ние луѓето
ја уништуваме
со несвесна глава.

Природата ни дава дарови
секакви убавини
реки, планини и полиња.
Здивот ми се одзема
од таа магија.
       Един Цаноски
              

Еко

Во училишниот двор
слушам еден глас
една птица плаче
и моли за спас.

Крикот го слушнав и јас
Дожду, заврни силно
природата те моли милно.

Капка по капка роси
отпадот го носи
Учениците кренаа врева
природата на бунт се крева.

   Џениса и Ниса

Есен

Есенско сонце убаво грее
славејот најубаво пее
крушата од дрво паѓа
повторно нова се раѓа.
         Семир

Дрво

Во дворот дрвја има
сонцето убаво ги грее
Најголемо дрво  е борот
птицата на него пее.
     Недим

Еко песна
Дворот убаво ќе свети
аџо Рамче отпадот го мети
Птицата убаво пее
Сонцето дворот го грее.
         Семир и Недим

Есенски слики

Есента ја има

доаѓа по лето, 

а  е пред зима

Ветерчо силно дува

сите лисја ги рони 

Небото се смуртило

со сивкаста боја,

а лисјата и сонцето

тажат и пеат

песничка по есенски ноти.

Есен

Капка по капка

роси

Лист по лист паѓа

Ветришта веат

виулици по патот

Златни лисја сеат 

Есента е кралица златна

Додека не дојде

сребрена зима.

 Ниса Авмедоска

ЕСЕН
Есен е
птичји звук нема
последното ливче
од дрвото го снема.

Есен е
дожд врне
не ни требаат гумените црева
 дождот ја наводенил сувата трева.

Ветер дува- сонце нема
над езерото дожд се спрема,
но рибарот уште се мачи
и во есен  риба да фати.
 Ибраим Мавмудоски

Со седмо одд. пишувавме за есента и екологијата, а со деветто пишувавме за татковината.
Употребивме аудитивни и визуелни елементи во песните, а со деветто, песните ни беа преполни со паралелна и вкрстена рима.

                                     

Убава си татковино

Татковино убава мила
луѓето чекорат, по тебе одат
посјајна си од блескава свила
твоите моќни сили нѐ водат.

Во нашиот прекрасен крај
сѐ е како во рај
обоена во жолто-црвена боја
ти си, Татковино моја.
    Фарук Арифоски

        Татковина
Татковината мила моја,
обоена со златно-жолта боја,
за мене ти си рај,
облеана со сончев сјај.

Планини и реки те красат,
полиња со шарена свила,
стада овци по ледини пасат,
ти си ми многу мила. 
   8-1 одд.   

         Татковина

 Татковино наша мила 
 облечена во црвено-жолта свила.
 Јас се гордеам со тебе знај 
ти си мојот волшебен рај.

 Планини,реки,езера си скрила 
 ливади-шаренило од бои. 
 Топло гнездо за мене си свила
 за дедо,татко и децата мои.
             8-2 одд.

„Утрото над нас“- Кочо Рацин

                                      Кочо Рацин(1908-1943)

 Ја напишал стихозбирката „Бели мугри“.

 Стихозбирката „Бели мугри“ е составена од 12 песни, од кои 2 се циклуси (со по 6 и 7 песни) напишани на велешки дијалект со примеси од западномакедонските говори, во кои доминираат социјалните и револуционерните теми.

                 

УТРОТО НАД НАС

  ОРГАНИЗАЦИЈА И АКТИВНОСТИ НА ЧАСОТ

           Активности на наставникот         Активности на учениците

Вовед: -Поставува прашања(кратки-брзи) за рима и видови рима(паралелна и вкрстена). Техника: Бура на идеи Кочо Рацин-живот и дело, значење На таблата како шема може да се забележат најважните работи. -ги поттикнува да одговорат за ликот и делото на К.Рацин(социјални песни);-домашна работа на претходни часови	Учениците се подготвиле за    денешниот час, одговараат на поставените прашања. Кратко даваат свои информации за К. Рацин, за животот и делото *Кога е роден и каде? *Животен пат. *Литературо дело *Бели мугри-песните од збирката
Наставникот ја посочува песната,,Утрото над нас“ и дава дигресија за нејзиното настанување; __________________________________ -бара од учениците да ја прочитаат во себе, а потоа искажуваат впечатоци; -ги дели во групи(принцип на броење 1,2, 3...) -На уч.компј. отворен е Роземак блогот со инструкциите за работа; -ги надгледува групите и советува; ______________________________________ Во овој дел од часот се прави усна анализа на песната(групите презентираат): поетски слики, мотив,строфи и стихови, се пронаоѓаат стилските фигури и видот на римата(според местото на акцентот и местото во стиховите). Дава објаснување за анализата на песната	Внимателно  го  следат објаснувањето на наставникот . Часот тече динамично со брзо одговарање на поставените прашања. ______________________________________ Учениците самостојно ја читаат и доживуваат песната, слушајќи ги насоките од наставникот. _____________________________________ Подготвуваат анализа на песната по насоки на наставникот-поделени во групи; Илустрираат мал симбол-слика по песната. ______________________________________ Усно презентираат/избираат член Да ги стават на лист и во своите портфолија. Се дискутира по презентациите. Учениците избираат група која најдобро сработила, а и самите групи на листот ги искажуваат своите впечатоци за работата.
Наставникот внимателно следи,помага, а потоа си запишува во листот за следење	Даваат свои коментари за часот,за начинот на повторување.
Сублимира и дава домашна :да се подготват за лична творба на тема:Убава татковино	Прашуваат околу домашната ЦЕЛ: Да се примени знаење за рима при творење лирска творба

Предлог за планот:

1.Зошто Кочо Рацин го нарекуваат ,,поет на обесправените“,поет на „тутуноберачите“,поет на„копачите“?

2.Определи го мотивот во песната.(За чие утро пее поетот и кои се тие„над нас“ ?).

3.Што опишува поетот во првата слика?(првата и втората строфа)

4. Кои се тие „робја“ и зошто селата и градовите се„гробја“(третата строфа)

5.Чија е таа „мака пуста“?(четврта строфа)

6. Чија „снага крвави и нема радост никогаш“?

7.Каква „бура“ се подготвува ?(Кој ја предизвикува бурата?)

8. Видот на строфите, стиховите, римите и видот на песната.

9.Стилски фигури во песната

                   Утрото над нас 

Од далечнините модри се веат

на сонцето златните далги,

од далечнините модри се леат

на утринта росните влаги.

Под долги, меки ширини рамни

магла се танка крева

и по селата мали - заспали

шумоли скришно врева.

Шумоли - в срце тага налева

за црноземните робjа,

шумоли скришно за мртви поља

за села и градови - гробjа.

Ех, тија долги ширини рамни!

Ех, тaja мака пуста!

Мртви и темни сурови гламњи

скршена гранка маслинка!

По тиja пот се човечка дими

и снага крвава цвили,

по тијa радост никого нема

а сонце радосно има!

Но тиja росни утрини пресни

копнат во гради и тлеат.

Копнат и како бура пеат

и како огин палат.

Утрото над нас - Кочо Рацин, an interactive worksheet by rozekitroz
liveworksheets.com

Тема: Белези на авторската и народната поезија; Варијанти на старословенскиот јазик; Македонска варијанта; Македонски народни говори

Да се провериме!

I Белези на авторска и народна поезија

1.Дополни го одговорот!

Поезијата според создавачот е поделена на ___________и _____________ .      2/

2.Заокружи ја буквата пред точниот одговор!

Каква е следната  песна според создавачот?

                               Болен Дојчин

                     ...Двори мете лична Анѓелина,

                        двори мете,ситни солзи рони,

                        ја догледа брат и Болен Дојчин:

                        -Зошто,сестро,мила Анѓелино,

                        двори метеш,ситни солзи рониш?

а)народна песна                               б)уметничка песна                                           1/

3.Одговори на празната линија!

Кои се белезите на песната ,,Болен Дојчин“(според создавачот)?

 _____________________________ ,___________________________

 _____________________________, ___________________________                    4/

4.Со стрелки поврзи ги белезите со соодветната песна!

анонимен автор                                              

непроменлива содржина                                    народна песна

се создава писмено

колективна творба

променлива содржина

се создава усно                                                   уметничка песна

индивидуална творба

авторот е познат                                                                                                         8/

                                                                                                                    Вкупно:15/

II Варијанти на старословенскиот јазик; Македонска варијанта

1.Дополни!

Најстар литературен јазик на Словените е_______________________.               1/

2.Како се вика првата словенска азбука?Колку букви имала ?

___________________________________________________________                2/

3.На празнaтa линија напиши кој ја создал кирилицата?

          

____________________________________                                                               1/

 Одговори!Колку букви имала?

___________________________________________________________                 1/

3.Наброј  ги особеностите на македонската варијанта!

________________________, _______________________________,

_________________________________________________________ .                   3/

4.Во кои гласови преминал големиот  ер?

__________________________________________________________ .                 2/   

                                                                                                                      Вкупно:10/

III Македонски народни говори

1.Дополни!

Говорот со кој се служат луѓето од едно подрачје

се нарекува_______________________________.                                                1/

2.Кои се двете македонски наречја?

_____________________________,___________________________ .                2/

3.Поврзи со стрелка!Дијалект со наречје!

велешки                                   кумановски

 западно наречје

                                         источно наречје                                    струмички                           охридски                                                                   4/

4.Трансформирај гo текстот од дијалект на литературен јазик!

а)                            Гускарот и ламјата

     Си биле тројца брајча и си тргнале по к’смет,по работа.Одет ,одет,наождет на едно место една ламја к’ј што си го работет лојзето.Брајчата појдвет к’де неја и е опитвет али  е требет измечари,а таа им велит:

-Ми требет,ами како,ми требет,ево лојзево да се работат требит.

                                                                      -Народна приказна

____________________________________________________________
____________________________________________________________

____________________________________________________________
____________________________________________________________
____________________________________________________________
____________________________________________________________

                                                                                                                                    15/

б)За кое наречје станува збор во извадокот?

______________________________________________                                           1/

в)За кој дијалект станува збор во извадокот?

______________________________________________                                           1/

5.Заокружи кои дијалекти ја даваат основата на литературниот македонски јазик?

а)велешки, прилепски, битолски      б)скопски,тетовски                                        1/

                                                                                                                      Вкупно:25/

Скала на поени:

0-15-недоволен (1) ;16-25-доволен(2); 26-35-добар (3)

36-45-многу добар(4) ; 46-50-одличен (5)

                                                                                              Оценка: