Станав разбуден од црцорењето на птиците. Брзо се облеков и седнав да појадувам. Низ мојата глава се менуваа мисли и слики за моето скорешно патување до една непозната планета.
Брзо дојде и тој ден и јас се најдов во вселенското летало. Каква возбуда, какви слики пред моите очи! Ѕвезди рој, астероиди... вселенски летала кои се движеа низ орбитата.
Слетав на пистата предвидена за гости и летала од други планети. До моето летало автоматски се приближи вселеномобил и јас седнав на возачкото место. Брзината со која се движев беше неверојатна. За миг се најдов во еден парк. Прекрасна рапсодија од бои околу мене. Дрвјата беа сини, листовите виолетови, а тревата портокалова. Зачудуваше и фонтаната од која течеше портокалова вода. Се приближив и се напив. Почувствував вкус од портокал. Навистина беше вкусно. Продолжив со мојата прошетка. Видов куќи што беа направени од бисквити, лижавчиња, гумени бонбони. Веднаш почувствував глад. Тропнав на една врата.
Ми отвори еден необичен жител на таа планета. Целиот беше црвен, а очите му светкаа со златен сјај. Тој љубезно ми се насмевна и ме покани внатре. Трпезата беше преполна со секакви вкусни јадења и пијалаци. Со Кик брзо се спријателив и споделив разни интересни сознанија за нашите планети.
Времето поминуваше и јас морав да се вратам на мојата планета.на истиот начин се вратив во мојот дом, полн со убави спомени за другата планета. Следува посетата на мојот нов пријател, Кик и новите возбудувања на нашата планета, Земја.
- Анел Мијадиноски VI 2 одд.
Џиновското вселенско летало беше подготвено. Пред мене беше уште една авантура, посета на непозната планета.
Со силен звук полетав и се најдов во волшебниот безвоздушен простор на Вселената. Насекаде околу мене имаше разни небесни тела што светеа со необичен сјај. Летав по патеката до мојата цел, Чудесната планета.
Слетав на едно широко пространство обиколено со стаклена ограда. Се вчудовидов, навистина сѐ беше чудесно. Ме пречека моето ново пријателче, Брок и ме однесе во неговиот дом. Тој живееше во една стаклена куќа со црвена боја. Столчињата и креветите беа направени од жолто стакло. Ме почести со печени јаболка и бисквити со чоколада. Прекрасно си поминувавме. Ми раскажа за неговата чудесна земја, за училиштето од стакло во сина боја, за другарите и игрите. Прошетавме и видовме многу необични стаклени објекти, обоени во најразлични бои. Се чудев како е возможно ништо да не се скрши, а жителите да живеат и да се однесуваат вообичаено. Брок ми кажа дека тоа е специјално стакло кое се произведува на нивната планета и сите жители го имаат како главен извор на заработувачка.
Времето брзо леташе, па јас морав да се вратам назад. Се поздравив со Брок, а тој ми даде необичен стаклен предмет со помош на кој ќе може постојано да се гледаме и слушаме. Јас се заблагодарив и го поканив на мојата планета, Земја. Прекрасно си поминав и задоволен се вратив дома.
- Авнија Шајноски VI 2одд.
Посета на непозната планета
Влегов во ракетата и со голема брзина се упатив кон планетата Сирма. Ова беше мое прво патување на друга, непозната планета. На почетокот чувствував страв, но набрзо, тој се претвори во возбуда и восхит од необичните слики кои ги видов на ова мое патување.
Со необичен тресок ракетата се спушти на планетата Сирма. Јас бев зачуден од она што го видов. Со мојата камера почнав да снимам и сликам сѐ околу мене. Сретнав необично високи суштества на кои им требаше лупа за да ме видат. Куќите беа џиновски, со тркалезни кровови и големи прозорци и врати. Кога стигнав до една река, затекнав друга слика. Преку мостот поминуваа џуџести суштества и јас морав да внимавам да не ги згазнам.
навистина чудесна и необична планета.
Преполн со впечатоци, едвај чекав да стигнам дома за да им ги покажам снимките и сликите од Сирма на моите најблиски.
-Адријан Бадалоски VI 1 одд.
Весело станав од креветот, подготвена за новиот ден што ме чекаше. Ме заслепи силна сјајна светлина што доаѓаше од надвор. Погледнав и забележав како од светлината се појавува мал летечки брод. Се зачудив и истрчав да видам што се случува. Од летечкиот брод се појави мало страшно суштество. Сино, со четири очи, две нозе и четири раце изгледаше застрашувачки.
- Се викам Тиго и доаѓам од планетата Тик- Так. - ми се обрати.
- А, зошто дојде овде?
- Нашиот наставник нѐ испрати на други планети за да се дружиме со други суштества.
Необичниот гостин беше многу пријатен и откако го запознав воопшто не беше страшен. Ние се спријателивме и срдечно разговаравме. Тиго го запознав со моето семејство и со моите другарки. Сите го засакаа и весело разговараа со него. Јас го прошетав до моето училиште, му го покажав моето родно место и го почестив со наши специјалитети.
Тиго вечерта си замина, со ветување дека ќе дојде повторно. јас му ветив дека ќе го посетам на неговата планета Тик-Так.
-Аделина Дервишоска VI 1 одд.
Средба со суштество од друга планета
Еден ден, отидов во паркот, седнав на една клупа и со радост го слушав пеењето на птиците. Мирот ми го наруши некој необичен звук кој доаѓаше од блиската шума. Слушнав силна бучава и ненадеен тресок ме натера да скокнам од клупата. Се упатив кон силната бела светлина од која излезе едно чудно суштество. Се исплашив и почнав да бегам со брзи чекори.
- Почекај, не бегај! Јас сум добар, нема да те повредам!- ми се обрати.
Јас застанав и се вратив назад. Токи, необичното суштество, паднало на нашата планета со својот вселенски брод кој останал без енергија. Тој беше многу интересен, облечен во сребрено одело. На главата имаше тркалезна кугла од која излегуваа антени преку кои разговараше со мене. Додека неговиот брод не се наполни со енергија, јас го понудив со прошетка низ моето место. За него сѐ беше интересно. Дрвјата, реката, куќите, а кога ги виде децата како играат фудбал на игралиштето се воодушеви. Тој зачудено гледаше и посака да добие една топка за да игра со неговите другари.
Се стемни, бродот беше полн со енергија и Токи се вивна високо кон небесната шир. Јас си отидов дома. Кога си легнав, една ѕвезда падна кон мојот прозорец, а на неа пишуваше : „ До гледање!“
- Таида Шерифоска VI 1 одд.
Нема коментара:
Постави коментар