Анимиран филм:изработка стрип, филмски играчки, анимиран филм

Наставна содржина за седмо одделение предвидена со два наставни часа. 
Програмско подрачје: Медиумска култура

На првиот час зборуваме за  филмски почетоци и анимиран филм-видови.
Еве, неколку активности за часот:
- Со пантомима го започнуваме часот објаснувајќи филмска камера;
-Преку техниката Бура на идеи разговараме за омилени цртани филмови;
-Гледаме некој анимиран филм (Том и Џери, Попај...  Маша и Медо)
- Објаснуваме низ раговор што е анимиран филм и видови;

КУКЛЕН ТЕАТАР

Направете куклен театар дома

- Филмски играчки-истражуваме на интернет- тауматроп, зоотроп, матноскоп;

ЛИНКОВИ:

ТАУМАТРОП

ЗООТРОП
МАТНОСКОП / Книга што се врти

ОПТИЧКИ ИГРАЧКИ
- Подготовки за следниот час- средства за работа: хартија, конец, ножици, боици и желба за работа :-) 

Ух, вториот час полн со активности, едвај се стигнува сѐ!
Целата подготовка и организација проследете ја подолу

                                                    ОПЕРАТИВЕН ПЛАН ЗА ЧАС

Наставник: Роза Китрозоска                                                                        Датум:___________

Наставен предмет: Македонски јазик                                                         Одд.:7(седмо)

Програмско подрачје: Медиумска култура

Наставна содржина: Анимиран филм-изработка стрип, филмски играчки

ЕКО -Уреден и еколошки двор

1.ЦЕЛИ НА ЧАСОТ

-Да се примени знаење за анимиран филм преку изработка стрип, филмски играчки;

-да се примени еко- стандардoт:Уреден и еколошки двор преку изработка стрип, анимиран филм и филмски играчки;

- да се означат места со изработени и поставени знаци видливи за сите во дворот (место за игра, место за одмор, место каде не треба да се гази).

2.НАСТАВНИ ФОРМИ И МЕТОДИ;Техники

фронтална, индивидуална, групна; разговор, самостојна работа, текст-метод, објаснување, илустративно-демонстративен метод

Бура на идеи

3.ПОДГОТОВКА НА УСЛОВИ И СРЕДСТВА ЗА РАБОТА

учебник, табла, креда, изработени филмски играчки од претходната година, листови, блок, боици, лепак, конец, фотоапарат или камера, ИТ(програма за изработка видео филмови)

За додатна :изработка хамер-макета со училишниот двор на која ќе се постават означените места за одмор, игра, движење-може и во училишниот двор со заштита од временските неприлики и од несовесните минувачи

4.ИНСТРУМЕНТИ И ТЕХНИКИ ЗА СЛЕДЕЊЕ И ОЦЕНУВАЊЕ НА РЕЗУЛТАТИТЕ

Преку активностите, УПИ, лист за рефлексија

ОРГАНИЗАЦИЈА И АКТИВНОСТИ НА ЧАСОТ

Активности на наставникот

Активности на учениците

-Наставникот проверува дали учениците се подготвиле за часот според неговите упатства од претходниот час; -проверува дали имаат потребни средства за работа; ___________________________________ -објаснува начин на работа: *работа по нивоа 1.Ученици кои изработуваат стрип; 2.Ученици кои изработуваат филмски играчки(подготовки од претходниот час и дома); 3.Ученици кои цртаат/или фотографираат слики со помош на кои ќе се направи анимиран филм); -Примена на техника Бура на идеи-предлог содржини со примена на еко; _____________________________________ -разговара со учениците за изработките и ја објаснува темата на која ќе работат: интегрирање на Еко-стандардот:Убав и уреден еколошки двор -Целта на овие изработки ќе биде да им се покаже на учениците кои места во дворот треба да бидат заштитени од уништување преку обележување на места за одмор, за игра, за движење; ____________________________________ -По започнувањето на активностите ги надгледува, ги советува, помага; -се рагледуваат изработките и се дискутира; -дава можност за довршување дома; -подготвените содржини ќе бидат изложени со цел учениците да видат како се одржува чист и еколошки двор; -прави галерија фотографии-или снима со видео-камера; _____________________________________ Сите активности поврзани со овие содржини се објавуваат на нашата веб-страница www.rozemak.ucoz.com ____________________________________ -објаснува како да се подготват за активностите на следниот час: Опис на лик

-Го следат наставникот во неговите активности и објаснуваат како се подготвиле за часот; _____________________________________ -слушаат внимателно објаснувања од наставникот околу начинот и постапката за работа; -прашуваат во врска со филмските играчки, цртежите, стрипот; -даваат свои идеи за изработките со примена на еко; -добиените задачи, самостојно ги изработуваат-се помагаат со учениците кои добиле иста задача; -прашуваат во врска со нејасни прашања-бараат помош од наставникот или пребаруваат на интернет дадени страници од претходниот час; ____________________________________ -внимателно го следат објаснувањето на наставникот и активно учествуваат во сите сегменти на часот-ја интегрираат темата од еко-стандардот:Уреден и чист еколошки двор; _____________________________________ -учествуваат во изложување на изработките -се дискутира за темата и изработките, се објаснува по изложувањето на готовите изработки; -дел се довршуваат дома; _____________________________________ -се планира изработката на хамер-плакета со обележување на местата за движење, одмор, игра/додатна настава -на изложбата се презентира илузијата на слика во движење со пмош на филмските играчки; -прашуваат во врска со активностите за следниот час.

Листа за рефлексија

	Мислење на наставникот
1.група-индивидуално	Самостојно ја завршија задачата- стрип
2.група-индивидуално	Самостојно ја завршија задачата- филмски играчки
3.група-групно со договор	Поделени задачи и организирана групна работа; ги подготвија цртежите, а наставникот компјутерски ја направи анимацијата( Movie maker – Стоп анимација)

Предлог содржини:

-Ученик кој фрла отпадок во корпа;

-Ученик кој игра на игралиште;

-Ученик кој се движи по асфалтираната патека;

-Знак со кој се означува тревната површина;

-Клупа на која седи ученик.

Забелешки за реализација на часот/следни активности

Час богат со активности. Учениците со интерес и внимание работеа и успешно ја реализираа дадената задача. Поради временските услови не се обележаа местата за движење, одмор, игра во дворот. Се планира тоа да се направи преку макета на додатна настава.

Посетете ја и нашата страница за да ги погледнете активностите од претходните години поврзани со оваа содржина.

 Филмски играчки, 2014/2015

Филмски играчки, 2013/2014 г.

Вежба за глаголски конструкции

Прашања	Одговори
1. Како се образува глаголската конструкција со сум?
2. Напиши две реченици со сум-конструкција.
3.Како се образува има конструкцијата?
4.Напиши две  реченици со има-конструкција.