💬 Внимателно прочитај го текстот, а потоа одговори на дадените барања.
Предновогодишна прошетка
Јана ја чешлаше својата долга коса. Во собата влезе сестра ѝ:
– Облекувај го палтото!
Јана зачудено ја погледна и ја праша:
– Зошто, ќе одиме некаде?
Мина ѝ кажа дека одат во Струга. Јана го облече палтото и викна:
– Доаѓам, ги облекувам чевлите.
Автомобилот ги чекаше пред вратата. Тие весело влегоа внатре и заминаа.
По
половина час пристигнаа во Струга. Сестрите се фатија за рака и тргнаа
по подарок. Долго време шетаа што заборавија на времето.
– Мина, погледни ја елката, Струга навистина е убаво украсена. – рече Јана.
Тие шетаа низ продавниците и купуваа подарок за роденденот на братучетка им.
– Одлично, купивме подарок. Да се вратиме. На роденден ќе одиме во 17 часот.
– Јана, трчај, доцниме! – викна Мина.
– Еве, сум! – рече Јана.
Задоволни и среќни се вратија дома, а потоа отидоа на роденден.
👇Задачи:
1. Препиши ги глаголите!
2. Одговори според барањата:
-Глаголи во прво лице:
-Глаголи во второ лице:
-Глаголи во трето лице:
-Глаголи во еднина:
-Глаголи во множина:
-Глаголи во сегашно време
-Глаголи во минато определено несвршено време
- Глаголи во минато определено свршено време
3. Препиши ги речениците во кои е употребен:
Заповеден начин_______________
💬Внимателно разгледај ја сложувалката, а потоа поврзи ги соодветните прости глаголски форми!
💬Стани милионер решавајќи го нашиот квиз. Внимателно прочитај го прашањето и одговори точно! Среќно!
Текст за домашна работа👇
Штурец и мравки
Во зимно време побара штурецот од мравките некое зрно житце на заем, но тие го избркаа од својот дом.
ー Ние цело лето работевме, а ти свиреше.
Штурецот со наведната глава си заминал дома. Тој не добил храна и останал засрамен.
Нема коментара:
Постави коментар