Роземак: Кирилицата е наша азбука!

Да се потсетиме!👇

1. Македонскиот јазик припаѓа на семејството словенски јазици.

2. Македонскиот јазик се вбројува во јужнословенската група словенски јазици.

3. Словенската писменост започнала во втората половина на 9 век.

4. Браќата Кирил и Методиј се основоположници на словенската писменост.

5. Старословенскиот јазик е првиот литературен јазик за сите словенски народи (создаден од македонските говори во околината на Солун).

6. Старословенскиот јазик бил пишуван на две азбуки: глаголица (38 букви, ја создал Кирил) и кирилица (44 букви).

7. Најстари зачувани текстови на старословенски јазик: Асемановото евангелие, Зографското евангелие, Мариинското евангелие (од крај на 10 до почеток на 12 век).

💬Современата македонска азбука, кирилицата, со која денес се служиме, ја изработила Јазична комисија, а ја одобрила Народната влада на Македонија со решение од 5 мај 1945 година.

👉Играме со буквите!

Учениците од шесто одделение при ООУ„Страшо Пинџур“, Вевчани на креативен начин изработија букви за македонското јазично катче. При изработката на буквите користеа фолија, лепак и хартија во боја.

👇Погледнете ги нивните изработки!